மார்கழி கடைசி சனிக்கிழமை... திருப்பம் தரும் திருமால் தரிசனம்!

மார்கழி கடைசி சனிக்கிழமையில், அருகில் உள்ள பெருமாள் கோயிலுக்குச் சென்று வேங்கடவனை தரிசியுங்கள். வேண்டுவதையெல்லாம் தந்தருளுவார் மகாவிஷ்ணு.
மற்ற மாதங்களை விட மார்கழி மாதத்துக்கு தனிச்சிறப்பு உண்டு. கிருஷ்ணாவதாரத்தில், ‘மாதங்களில் நான் மார்கழியாக இருக்கிறேன்’ என தெரிவித்துள்ளார் மகாவிஷ்ணு. அப்பேர்ப்பட்ட மார்கழி மாதத்தை தனுர் மாதம் என்றும் சொல்லுவார்கள்.

தனுர் மாதம் என்று சொல்லக்கூடிய மார்கழி மாதம், வழிபாட்டுக்கு உகந்த மாதம். ஜப மந்திரங்கள் சொல்லவும் கலை கல்விகளைக் கற்கவும் உகந்த மாதம். மார்கழி மாதத்தில் அதிகாலை பிரம்ம முகூர்த்த வேளையில், அருகில் உள்ள ஆலயங்களுக்குச் செல்வதே புண்ணியம் என்கிறார்கள் ஆச்சார்யப் பெருமக்கள்.
மார்கழி மாதத்தில், குளிர்ந்த அதிகாலைப் பொழுதில், குளித்துவிட்டு, ஆலயத்துக்குச் சென்று, திருப்பாவை பாடி வணங்குவதும் திருவெம்பாவை பாடி வழிபடுவதும் இன்னும் இன்னுமான சத்விஷயங்களைக் கொடுக்கும்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்