பொங்கல் திருநாள்; கூடுவோம் கொண்டாடுவோம்; பொங்கல் வைக்கும் நேரம் இதுதான்!

எல்லாப் பண்டிகைகளும் கொண்டாட்டம் நிறைந்தவை; குதூகலம் கொடுப்பவை. மகிழ்ச்சியையும் நிம்மதியையும் தருபவை. என்றாலும் அத்தனைப் பண்டிகைகளிலும் முக்கியத்துவம் வாய்ந்ததாகப் போற்றப்படுகிறது, பொங்கல் திருநாள் பண்டிகை. பொங்கல் பண்டிகையைத்தான் குடும்பமாக இணைந்து கொண்டாடும் விழாவாக பார்க்கப்படுகிறது, பொங்கல் நன்னாள்!

நாம் கொண்டாடுகிற அனைத்துப் பண்டிகைகளிலும் உணவுக்கும் படையலுக்கும் முக்கியத்துவம் உள்ளது. என்றாலும் உணவுக்கு மரியாதை செய்யும் விழாவாகக் கொண்டாடப்படுகிறது பொங்கல் பண்டிகை. உணவுக்கு மட்டுமின்றி, உணவை உற்பத்தி செய்து கொடுக்கிற விவசாயிகளுக்கும் விவசாயத்துக்கு உதவுகிற கால்நடைகளுக்கும் விவசாயம் செழிக்க உதவுகிற சூரியனாருக்கும் நன்றி தெரிவிக்கும் விழாவாகவும் அமைந்துள்ளது பொங்கல் திருநாள்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்